Şehîd Zîlan (Zeynep Kinaci) di 30’emîn salvegera şahadeta xwe de li bajarê Şengalê bi semînereke li ser jiyan û têkoşîna wê hate bîranin.
Semîner bi pêşengiya Tevgera Azadiya Jinên Êzidî (TAJÊ) li salona Komîna Gel a Şengalê hate lidarxistin.
Semînerê bi deqeyek rêzgirtinê destpê kir. Piştre endama koordînasyona Tevgera Azadiya Jinên Êzidî (TAJÊ) Neam Bedel axîvî. Neam Bedel di serî de hemû şehîdên şoreşê bi bîr anî û got: “Şehîd Zîlan di dema êriş li ser Rêber Apo de, çalakî li hemberî dewleta Tirk pêk anî. Em niha li ser keda şehîdên xwe liser piyan e, em weke gel, li ser xeta şehîdên xwe dimeşin. Şehîd Zîlan bi çalakiya xwe bû sembola têkoşîn û azadiya gelê me, em ê her tim şopdarê xeta şehîdên xwe bin.”
Di semînerê da sînevîzyona li ser jiyan û têkoşîna şehîd Zîlan hate nîşandan. Semîner bi dirûşmên ‘Jin Jiyan Azadî’ û ‘Bîjî Serok Apo’ bi dawî bû.
