Şêniyên Kantona Firatê têkildarî Komploya Navneteweyî ya 9’ê Cotmehê ya li dijî Rêber Apo axivîn.
Endama Meclîsa Malbatên Şehîdan a kantona Firatê Wehîde Seyid Ehmed anî ziman ku wan komplo pûç kiriye û got: “Ji bo me rêya reşe, ew rêya destpêka komployê ye. Dewletên navneteweyî xwestin bi rêya komployê Rêber Apo û gel ji hevdu qut bikin, xwestin di şexsê Rêber Apo de gelê Kurd tune bikin. Lê komplo pûç bû, ew jî bi destê Rêber Apo û gel bû. Rast e Rêberê me di nava çar dîwaran de ye, lê em û Rêber Apo yek rih û fikir in. Em li vir in em ê bi rihê jina azad li ser piyan bin û bi ser bikevin. Niha cîhan bi giştî li ser fikra Rêber Apo ne. Niha êdî em dibêjin aştî bêyî me nabe. Êdî em li vir in û me xwe daye îsbatkirin. Heta ku Rêberê me azad nebe, tu kes azad nabe. Îro jî em weke jin em ê her li ser piyan bin.”
JINÊN EREB BI SAYA RÊBER APO LI VIR IN
Endama Şaredariya gel a bajarê Sirîn Nûr El Elo ku ji pêkhateyê Ereb e got ku ew weke jinên ji pêkhateyên Ereb bi saya Rêber Apo xwe gihandine vê rojê û got: “Jin bi saya Rêber Apo azad bû, lê dewletên komploger jî xwestin ku bi wê yekê re fikrê Rêber Apo yên azad jî di nava çar dîwaran de dorpêç bikin, niha desthilatdarî ji fikrê Rêber Apo ditirse. Kapîtalîzma ku niha xetimiye, ji fikrê Rêber Apo ditirse, em jî weke jin êdî em azadiya Rêber Apo dixwazin.”
EM Ê BI ŞEV Û ROJ LI QADAN BIN
Mehmûd Mihemed Elî got ku ew êdî azadiya Rêberê xwe dixwazin û got: “Me ewqas şehîd da, me di dîrokê de komkujî û qetilkirin dît, niha jî em bi saya Rêber Apo li vir in, em bang li mafê mirovan dikin ku êdî demildest Rêberê me azad bikin. Em ê bi şev û roj li ber xwe bidin û em ê li qadan bin. Em êdî azadiya Rêber Apo ya fîzîkî dixwazin.”
Hevseroka Meclîsa Malbatên Şehîdan a bajarê Sirînê û ji pêkhateya Ereb Behiyê El Elî got ku faşîzma Tirkiyê dixwaze Rêber Apo di nava tecrîdê de bihêle, lê fikra Rêber Apo ev yek têk birin û wiha got: “Fikrê Rêber Apo wê ji serdemekê re bimîne, dewletên desthilatdar dixwazin her civakê di nava tarîtiyê de bihêlin, îro em bi saya Rêber Apo û fikra wî gihiştine asta ku niha em têde ne.”
