Bi sedan şêniyên kantona Firatê, endamên saziyên Rêveberiya Xweser, partiyên siyasî, rêxistinên jinan û ên sivîl sersaxî da malbatên gerîlayê Tevgera Azadiya Kurdistanê Şiyar Kobanê (Ehmed Cuma) ku di 29’ê Tebaxa 2019’an de li Garê û Mazlûm Kobanê (Mahmut Mise) ku 1’ê Hezîrana 2019’an li Zapê şehîd bûne.
Merasîma sersaxiyê ya Şiyar Kobanê li Taxa Şehîd Ebdo û ya şehîd Mazlûm Kobanê li gundê Degirman ê Qinê hat lidarxistin.
Merasîm bi rêzgirtinê dest pê kiri. Hevserokê Rêveberiya Xweser a Kantona Firatê Ferhan Hec Îsa sersaxî ji malbatên şehîdan re xwest û diyar ku ew ê xwedî li mîrasa şehîdên xwe derkevin. Ferhan Hec Îsa anî ziman ku bi saya şehîdan, Kurdistan dibe yek parçe û got: “Şehîdên me rûmet û nasnameya me ne û bi saya wan em gihiştin azadiyê. Divê em xwedî li mîrasa şehîdên xwe derkevin û şopdarên rêya wan bin.”
Birayê Şehîd Şiyar Kobanê, Hecî Cuma jî got: “Bila serê Rêber Abdullah Ocalan, gerîlayên azadiyê û gelê azadîxwaz sax be. Em soza didin ku em ê xwîna şehîdên xwe li endê nehêlin û şopdarên rêya şehîdên xwe bin”.
Pismamê şehîd Mazlûm Kobanê, Ciwan Misê jî diyar kir ku ew bi şehadetê xemgîn nabin, ji ber ew hêz û vîna xwe ji şehîdan digirin û soz da ku ew ê xwedî li mîrasa şehîdan derkevin.
Di merasîman de wesîqeyên şehadetê hatin xwendin û radestî malbatan hatin kirin. Merasîm bi dirûşmên “Şehîd namirin”,”Bijî berxwedana gerîla” bi dawî bûn.
