Desteya Rêveber ya Tevgera Azadî ya Civaka Kurdistanê (Tevgera Azadî) bi boneya salvegera Raperîna Gelê Başûrê Kurdistanê ya 5’ê Adara sala 1991’an daxuyaniyek belav kir.
Daxuyanî wiha ye:
“Gelê bi helwest û welatparêz yê serîhildêr û malbatên şehîdan, hun bûn bi ruh û îradeyek xurt li hemberî rejîma dagirker û faşîst ya Baasê rabûn. We çok li artêşek da danîn û heya dawiyê jî ew rejîma dîktator ne rabû ser xwe. Bê guman ev serkeftin ji bo Gelê Kurd werçerxek dîrokî bû.
Berpirsyartiya raperînê ji bo destketiyên hizbî, herêmparêzî, berjewendîxwazî û talanî, li ser milê desthilata ku ev 33 salin li Başûrê Kurdistanê bûye sedema pirsgirêkên siyasî, aborî, civakî û nekariye destkeftiyan biparêzeye. Desthilat destkeftiyên heyî ji dest daye û dijî berjewendiyên gel û nîştimaniyê siyasetê dike.
Pitşa xwe dane dagirkerên Kurdistanê, leşkerên dagirkeran ji bo şerê dijî şoreşgerên Kurdistanê anîne ser xaka Kurdistanê. Niha jî li Başûrê Kurdistanê dijî tevgera azadiyê û terorkirina azadixwazan alîkariya artêşa Tirk a dagirker dikin.
Xelkê xweragir, serhildêr û tevahî Kurdistanê, ji bo rawestîna lihemberî vê zilm û zordariyê, ji bo parastina destkeftiyan û armanca şehîdên raperînê, ji bilî yekitî û xwe rêxistinkirinê ti derfet û bijardeyek din li pêşiya nîne. Em bang li hemû jin, ciwan û civakê dikin, bi ruhê raperînê xwe birêxistin bikin û bi rê û ramana azad têkoşîna xwe ya ji bo demokrasiyê geş bikin.”
