Ukrayna di meha Gulanê de 282 kîlometreçargoşe ji Rûsyayê paşve stand

AFP’ê ku xwe dispêre daneyên jInstitute for the Study of War  (ISW) a girêdayî DYE’yê, artêşa Ukraynayê di meha Gulanê de nêzîkî 282 kîlometreçargoşe ji hêzên Rûsyayê paşve stand.
Bi vê pêşketin re 2 mehan li pey hev herêmên di bin kontrola Rûsyayê de kêm bûn. Tevî ku artêşa Rûsyayê ji Cotmeha 2023’yan û vir ve bi rêkûpêk pêşve diçû jî, ev pêşveçûn ji dawiya sala 2025’an û pê ve bi awayekî berçav hêdî bûye. Destkeftiyên Rûsyayê ku di meha Mijdara 2025’an de gihîştibûn 579 kîlometreçargoşe, heta meha Adara 2026’an daketibûn 23 kîlometreçargoşeyî. Di meha Nîsanê de herêma ku ji hêla Moskowê ve dihat kontrolkirin, cara yekem e piştî du sal û nîvan de kêm bû.
ÊRÎŞÊN BALAFIRÊN BÊMIROV BANDOR KIRIN
Li gorî ISW’ê êrîşên balafirên bêmirov ên menzîla navîn ku xetên lojîstîkê yên Rûsyayê hedef digirtin, di destkeftiyên dawî yên Ukraynayê de roleke girîng lîstin. Hat ragihandin ku bi van êrîşan re artêşa Rûsyayê di veguhestina personel û amûran de zehmetî kişand.
Pêşveçûna hêzên Ukraynayê di meha Gulanê de bi giranî li herêmên Donetsk û Zaporizhzhia pêk hatin.
RÛSYA HÎN JÎ JI SEDÎ 19 KONTROL DIKE
Tevî vê yekê pispor destnîşan dikin ku leşkerên Rûsî bi tevahî ji herêmên ku ji hêla Ukraynayê ve hatine standin venekişiyane û yekîneyên biçûk li hin noqteyan mane.
Li gorî daneyên ISW’ê her çiqasî Ukraynayê di du mehên dawî de qadên paşve standiye jî li gorî seranserê welat sînordar maye û ev yek nîşan dide ku geşedanên li qadê di aliyê Kîevê de diguhere.
Piştî zêdetirî 4 salên ku şer destpêkiriye, hîn jî Qirim û Donbas jî di nav de ji sedî 19 axa Ukraynayê ji hêla Rêsyayê ve tê kontrolkirin. Beşek girîng a vê axê heta beriya dagirkirina berfireh a di sala 2022’yan de jî di bin kontrola Rûsyayê an hêzên alîgirê Rûsyayê de bû.