Wezîrên Îsraîlê ragihandin ku hêzên hewayî li Îranê zêdeyî 1.000 êrîşên hewayî pêk anîne û zêdeyî 200 çekên fuzeyan, bêbandor kirine. Li Îsraîlê ji dema operasyon destpê kirî û vir ve, 24 kes mirin û 1.290 kes birîndar bûn. Hat diyarkirin ku ji vane 14 kes bi giranî birîndar bûne. Her wiha li seranserî welêt 10.630 sivîl ji malên xwe hatin tehliyekirin.
Li gorî nûçeya medyaya Îsraîlê ya xwe spartî rayedarekî leşkerî, 22’yê Hezîranê di êrîşa dawî ya Îranê de 23 kes birîndar bûn.
Di êrîşên Îranê de bi giştî nêzî 2.000 avahî û 240 apartman zirar dîtin.
LI BAJARÊ BUŞEHR TEQÎNA XURT
Li gorî rojnameya Îran Şarqê, roja Yekşemê li bajarê Buşehr ê li başûrê Îranê teqîneke xurt hate bihîstin. Nûçe li ser qenala Telegramê ya medyayê hate ragihandin. Têkildarî çavkaniya teqînê yan jî encamên wê hîna agahiyên berfireh nehatin dayîn.
PEZEŞKIYAN ÊRÎŞA DYE’YÊ ŞERMEZAR KIR
Her wiha Serokkomarê Îranê Mesud Pezeşkiyan êrîşa DYE’yê ya li ser tesîsên nukleerê şermezar kir û îdîa kir ku Washington li pişt operasyona leşkerî ya Îsraîlê ya li hemberî Îranê ye.
GEFA HURMUZ
Fermandarê Hêzên Deryayî ya Parêzvanên Şoreşê ragihand ku weke nerazîbûna li hemberi êrîşên dawî yên DYE’yê yên li ser Îranê, wê di nava çend saetan de Tengava Hurmuzê were girtin. Ev rêya stratejîk a ku beşekî girîng ê petrola cîhanê têde derbas dibe, eger tengasiya heyî dijwartir bibe dibe ku bibe xaleke girîng.
