Dokûmantera ku Mûstafa Diyar Demîrsoy çêkerî û derhênerî jê re kir, li salona konferansê ya Dergaha Elewiyan a Bernê hate nîşandan.
Siyasetmedar, nivîskar û sînemahezên li Swîsreyê beşdarî nîşandana dokûmanterê bûn. Derhêner Demîrsoy piştî nîşandanê hevpeyvîn bi temaşevanan re kir û got, “Çîroka Kebîre çîroka me hemûyan e” û bal kişand ser peyama gerdûnî ya dokûmanterê.
Çîroka jin a Qizilbaş a Kurd Kebîre Yildiz ji Dersimê destpê dike û li Elmanyayê dewam dike. Kebîre Yildiz ku perwerdeya xwe nîvco nehişt û dewam kir, bi taybetî bi karên xwe yên ji bo jin ên koçber bal kişand. Kebîre Yildiz ku ji Parlamenta Bremenê re hate hilbijartin, li derveyî feraseta siyasetê ya tê zanîn, kete nava gel.
Di dokûmanterê de ji Claudia Roth heta bi Ahmet Tellî, ji Srî Lankayê htea bi Efrîkayê cih dide şahidiya gelek siyasetmedar, aktîvîst û hunermendan. Dokûmantera ji 80 deqeyî ku gelekî bala temaşevanan kişand, piştî nîşandana li Elmanya û Hollandayê li Bernê jî gelekî eleqe dît.
Kebîre Yildiz ji ber nexweşiya dayika xwe nekarî beşdarî nîşandana dokûmanterê bibe.
