ADGB’ê di daxuyaniya xwe de da zanîn ku operasyonên 19’ê Kanûnê encama polîtîkaya dewletê ye ku bi rengekî plankirî û zanabûn hatine kirin. ADGB’ê, anî ziman ku armanca operasyonan ne tenê girtiyên şoreşger ên di girtîgehan de, di heman demê de tevahiya gelên bindest ên Tirkiye û Kurdistanê, hêzên pêşverû û şoreşger bûn.
ADGB’ê, bibîr xist ku girtiyên şoreşger li dijî komkujiyê berxwedaneke mezin raber kirine û hat gotin ku di grevên birçîbûnê û berxwedanên li girtîgehên tîpa F de 122 kesan jiyana xwe ji dest dane.
ADGB’ê, diyar kir ku girtîgehên tîpa S û Y’yê û her wiha girtîgehên “mîna bîrê” yên ewlehiya bilind her ku diçe zêde dibin û hat gotin ku di van girtîgehan de mafên girtiyan ên jiyan, tenduristî û ragihandinê bi giranî têne binpêkirin.
Hate destnîşan kirin ku girtiyên siyasî bi grevên birçîbûnê li dijî van şert û mercan li ber xwe didin û banga girtina girtîgehên ‘tîpa bîrê’ kir û hat gotin ku divê êdî dawî li pêkanînên tecrîdê were anîn.
ADGB’ê, bang li hêzên dijî-faşîzmê û enternasyonalîst ên li Ewropayê, her wiha karker û kedkarên koçber kir ku hevgirtina xwe bi girtiyên siyasî re xurt bikin. Di daxuyaniyê de şoreşgerên ku di komkujiya 19’ê Kanûnê û di grevên birçîbûnê de jiyana xwe ji dest dane bi hurmetî hatin bîranîn.
ADGB’ê, ragihand ku ew ê li Ewropayê çalakiyan li dar bixe da ku piştgiriyê bide têkoşîna girtiyên şoreşger ên li dijî girtîgehên ‘tîpa bîrê’. Di dawî de bang li hemû karkerên koçber ên Tirk û Kurd, her wiha hêzên antîfaşîst û enternasyonalîst hat kirin ku hevgirtinê nîşan bidin.
