Tevgera Civaka Demokratîk (TEV-DEM) bi daxuyaniyekê aşkera kir ku di êrîşa 9ʹê Cotmehê ya dewleta Tirk a dagirker a li ser Şehbayê de 3 endamên wê şehîd bûn.
Daxuyaniya TEV-DEMʹê wiha ye:
“Roj bi roj dewleta Tirk a faşîst ji cîhanê re bi giştî û ji gelê me re bi taybet, ispat dike ku dijminê herî sereke li dijî jin, xebata demokratîk, aştiyê û civakên resen li Bakur û Rojhilatê Sûriyeyê ye. Faşîzma Tirkiyeyê di pêşengtiya AKP-MHPʹê de bûye xetereya ne tenê i ser gelê me , lê belê li ser tevahî gelên Rojhilata Navîn û cîhanê. Di demekê de ku ji ber siyasetên xwe yên çewt, nijadperestiya xwe û tengaviya xwe li hember gerîlayên azadiyê di çiyayên Kurdistanê de têk çûye, lewra bê cudahî li seranserî Kurdistan, Bakur û Rojhilatê Sûriyeyê êrîşî jin, sivîl, çalakvan, binesazî û hemû nirx û deskeftiyên gelan dike. Bi sedan têkoşer, jin, ciwan û pêşengên gelê me şehîd xistin. Ji wan sûcên hovane jî di 9’ê Cotmeha 2024ʹan de bi hemû kîna xwe êrîşî koçberên ku ji ber dagerkeriya AKP-MHPʹê ji Efrînê koçber kirine û li Şehbayê bi cih bûne, dike. Wê yekê bi armanca berdewamkirina qirkirina gelê me pêk tîne. Di encama wê êrîşê de 3 çalakvanên ku têkoşîna ji bo avakirina civakeke demokratîk, wekhev û li ser bingehê xwişk-biratiya gelan xebat dikirin şehîd xistin .
Gelê me yê birûmet, têkoşerên azadî û demokrasiyê, Tevgera Civaka DemoKratîk (TEV-DEM) ku di xebata xwe ya di ber avakirina civakeke demokratîk de, azadiya jin û xwişk-biratiya gelan de hemû zehmetî daye ber çavên xwe, bi serbilindî şehadeta her du rêhevalan li gel pîroz dike.
Rêheval Zelal Efrîn: Di nava Şoreşa Rojavayê Kurdistanê de bi hemû hêza xwe di tevahî qadan de xebat daye meşandin û li seranserî Bakur û Rojhilatê Sûriyeyê bê navber ji bo azadiya gel, civaka demokratîk, azadiya jin gav bi paş de neavêtiye û di kesayetiya xwe de pêşengtiya jin ji Şoreşa 19ʹê Tîrmehê û şoreşa jin re îsbat kirye, her wiha di nava TEV-DEMʹê de cihê xwe girtiye û xebateke mezin di nava koçberan de kiriye.
Her wiha rêheval Mezlûm Entab, ku di kesayetiya xwe de yekbûna gelê me di her çar peçeyên kurdistanê de temsîl kiriye û bê terdud Şoreşa 19ʹê Tîrmehê weke şoreşa hemû gelan û bi taybet gelê Kurdistanê dîtiye, lewra têkoşîneke mezin di hemû qadan de daye meşandin û di nava TEV-DEMʹê de cihê xwe girtiye û bi koçberên ji ber zora dewleta Tirk a dagirker hatine koçberkirin re şînî û şahî jiyan kiriye.
Rêheval Alaf Mûrad: Ciwnekî kurd e. Di nava xebata tevgerê de erk û misyona ciwanan daye pêş û ji bo xizmeta gel û civakên Bakur û Rojhilatê Sûriyê de kar kir. Alaf ta gihişte asta şehadetê ji doza xwe negeriya.
Gelê me yê azadîxwaz, têkoşerên azadî û demokrasiyê, di dema em pêşwaziya şehîdên xwe dikin de bi tundî em saziyên têkildarî mafên mirovan û dewletên li ser hovîtiya faşîzma Tirkiyê bê deng in, şermezar dikin. Em bang li tevahî gelê xwe, demokrasîxwaz û civakên azad dikin ku li hember faşîzma Tirkiyê rawestin û hovîtiya vê rêjîma metrsîdar li ser tevahî mirovatiyê li ber dadgehên gel û navneteweyî darizînin.
Em weke TEV-DEMʹê şehadeta hevalên xwe li gelê xwe, demokrasîxwaz û jinên azad pîroz dikin û em soz didin ku li ser nirx û sincên van hevalan têkoşîna azadî û demokrasiyê û ji bo civakeke birêxistinkirî û wekhev û azadiya jin her em ê berdewam bin.”
