- Hêndêk boçûn le ser kitêbî Sazmanî Inqîlabî u Kurdistan. Wituwêj legel kak Mihemed Xakî le Radyo Diyalog sebaret be kitêbî “Sazmanî Înqîlabî û Kurdistan” 1-î Marsî 2021
Xakî: Meqiryan le Hacî Ewlê” bû le nawçey Seqiz le nizîkî Şilêr.
Qazî: Belî xeyrî ewe hêndêk endam werdegrin û duway rûxanî rêjîmî şaş ke dêne Kurdistan hêndêk endamî Kurdyan debê. Êsta eger îcazet le ser bê bigeyne ewey ke Sazmanî Înqîlabî çî beser dê.
Xakî: Fermû
Qazî: Sipas. Katêk ke rêjîmî şa rûxa ewane yek yek û dû le Urûpa û şwênî dîke ra degerênewe. Hêndêkîşyan le zîndan da bûn bo wêne Elî Sadiqî le zîndan ber debê, Irecî Keşkolî dêtewe, Muhsînî Rîzwanî degerrêtewe Iran û diyare ew serdemeye ke îdî Laşayî legelyan nîye. Wek dezanî Laşayî le lojyonî xizmetkaranî beşer karî dekird, yan Dr. Siyaweşî Parsanejad le Taran le Kilînîkêk karî dekrid. Ewane ke deçnewe legel 5 sazmanî dîkey çikoley çep Ke beşêk ew kadrane bûn ke pêştir le Sazmanî Inqîlabî ciwê bibûnewe wekû Mecîdî Zerbexş legel ewane le Taran konfiransêk degrin û rêkxirawêkî taze pêk dênin be nêwî ” Hizbê Rencberanê Iran ” yanî le rastîda Sazmanî Inqîlabî motorî wegerxerî ew hîzbe tazeye bûwe ke le serdemî taze da pêk dê. Belam Hîzbî Rencberanî Iranîş her wekû Hîzbî Tûde ke çon layengirî dekrid le hukûmet be taybetîş ewane zor piştîwanîyan dekrid le hukûmetî tazey Iran û rêberî Xomeynî u lîrbêralekan wekû Mêhdî Bazergan û ewane ta hedêkî awa çûn tenanet helwêstyan girt dijî bizûtnewey xoragirî gelî Kurd, bizûtnewey çekdaraney xoragrî gelî Rojhelatî Kurdistan ke Hîzbî Dêmokratî Kurdistanî Iran û Komeley Şorişgêrî Zehmetkêşanî Kurdistanî Iran rêberayetiyan dekird dew ser u bendîda.
Û ê’lamiyekanîşyan be desteweye ke ewan piştîwanîyan le rêjîm kirdûwe be dijî gelî Kurd û duwaye ewey zor serincrakêşe dewrêkî zor girînge ke kesayetîyekî wekû Celal Talebanî heybûwe le hemû beşekanî Kurdistan ewîş eweye katêk ewane be aşkira le Taran û şwênî dî xerîkî çalakîn carêk mam Celal ke deçête Taranê leber ewey her dûk la heqyan de çaw da bûwe ewan mam Celal de’wet deken biçê teşkîlatekeyan bibînê, deyanewê çapxanekeyanî pê nîşan bidedin û serdanyan bika. Û mam Celal ke agay le siyasetî dezgay Xumeynî û karekanî bûwe bo zext hênan bo ser rêkxirawe siyasîyekan pêyan delê agatan le xotan bê ew axundane cêgay bawer nîn hewil biden kem kem ew îmkanatey ke hetane, le desttan deçê wa başti re beşêk lewane ragwêzne Kurdistanî.
Diyar e le naw rêberayetî Hîzbî Rencberan da boçûnî ciyawaz hebûwe beşêk pêyan wa bûwe nabê biçne Kurdistan û debê her le Taran bimênnewe û xoyan biparêzin. Belam duwatir ke fişar le ser hemû opozîsyon ziyad deka mecbûr debin bêne Kurdistan. Ca dew qonaxe daye ke Muhsînî Rîzwanîş dête Kurdistan çunke Muhsînî Rîzwanî le ser demay Sazmanî Inqîlabî da ke çûbûne Başûrî Kurdistan ew neçû bû û yek lew kesane bû ke le Urûpa becê mabû. Belam lew qonaxe da ew û Irecî Keşkolî û ‘Elî Sadiqî û ewane îdî hemû yek yek radegwêzin bo Kurdistan, beşêkîş le hawrêyanyan le Taran u şwênî dîke degîrên û ê’dam dekrên. Yek lewaney ke le Taran gîra û ê’dam kira têkoşerêkî zor narsaw bû de çuwarçêwey konfêdrasyonî cîhanîda be nawî Hûşengî Emîrpûr be eslî xoy azerbaycanî bû, zor zor xoşewîst bû le naw hemû xwêndkare Iranîyekan da be daxewe le Taran gîra, eşkenceyan kird û ê’damyan kird.
Xakî: Zor sipas kak Hesen giyan min pirsyarêkim nîye. aya şitêk mawe ke min nem pirsî bê pêt xoş bê basî key.
Dirêjey heye…
