Keça Mûsa Anter Rahşan Yorozlu, bi rêya parêzerê xwe Bişar Abdî Alinak serlêdanek kir. Rahşan Yorozlu, di serlêdana xwe de xwest doza ku di 21’ê Îlona 2022’yan de ji ber demboriyê hatibû girtin, ji nû ve destpê bike.
Di serlêdanê de hate xwestin ku kêmasiyên di lêpirsîn û dadgehkirinê de bên temamkirin; delîlên di dosyeyê de bi rêbazên nûjen ên adlî û krîmînal ji nû ve bên nirxandin û rûdana bûyerê bi her awayî bê ronîkirin.
Her wiha hate xwestin ku kesên ku di fermandariyê de berpirsiyarên vê cinayetê ne bên tespîtkirin û derheqê wan de karûbarên qanûnî bên destpêkirin.
Mûsa Anter di 20’ê Îlona 1992’yan de li Amedê di encama êrîşeke çekdarî de hatibû qetilkirin. Endamê berê yê JÎTEM’ê Abdulkadîr Aygan itiraf kiribû ku cinayet ji aliyê tîma wî ve hatiye kirin.
Piştî ku gelek salan lêpirsîneke xurt nehatkirin, malbata Anter serî li Dadgeha Mafên Mirovan a Ewropayê (DMME) da. Dadgehê biryar da ku Tirkiyeyê mafê jiyanê ihlal kiriye. Li ser vê yekê dosye di sala 2009’an de ji nû ve hat vekirin.
Di sala 2013’yan de ıi dijî Hamît Yildirim, Mahmut Yildirim bi nasnav “Yeşil”, Abdulkadîr Aygan û Albayê teqawidbûyî Savaş Gevrekçî doz hatin vekirin. Doza ku ji ber hincetên ewlehiyê sewqî Enqereyê hat kirin, bi hinceta bi ser cinayetê re 30 derbas bibûn di 21’ê Îlona 2022’yan de hate girtin.
