Milîsên Azadiya Kurdistanê (MAK), bi daxuyaniyeke nivîskî der barê çalakiyên ku pêk aniye de agahî parvekirin.
MAK’ê got, “Milîsên me roja 26’ê Çileyê saet 20:30’an, ji bo pîrozkirina serketina Kobanê derketin taxa Kişla ya Kevin a Geverê. Milîsên me yên ku agir pê xistin û berxwedana Kobanê silav kirin, demeke dirêj bi fîşekên hewayî pîrozbahî kirin. Milîsên me derdora saet 21.30’an, ji bo silavkirina berxwedana Rojava û bendava Tişrînê pankarta bi nivîsa ‘Em weke ciwanên Geverê, ji berxwedana Rojava û bendava Tişrînê re serketinê dixwazin. Bijî PKK û YPG’ê’ hate hildan.”
MAK’ê, ragihand ku polîsên dewleta Tirk a dagirker di saet 22.20’an de bi wesayîtên zirxî êrîşê milîsên wan kiriye û got, “Milîsên me bi berxwedanê re bersiv dan êrîşan. Milîsên me ji du aliyan ve bi bombeyên destçêkirî û fîşekên hewayî li dagirkeran xistin. Di encama pevçûna rû daye de gelek wesayîtên zirxî hatin derbkirin û dagirker neçar mane ji herêmên berxwedanê birevin.
Divê dost û dijmin zanibe, gelê me û şoreşa azadiyê ya Rojava wê bi serkeve û çeteyên dest bi xwîn û dewleta Tirk a qirker jî wê têk biçin.”
