Komîteyeke xwecihî nîvê şevê ragihand ku çavkaniyekî leşkerî diyar kiriye ku balafir ji ber pirsgirêkeke teknîkî ketiye xwarê. Li gorî bîlançoya destpêkê 10 kesan jiyana xwe ji dest dan.
Wezareta Tenduristiyê roja Çarşemê daxuyaniyek da û diyar kir ku herî kêm 46 kesan jiyana xwe ji dest dan û got, “Ji bo dîtina şehîdên di binê enqazê de kar dewam dike.”
Tîmên rizgarkirinê jî diyar kirin ku 2 zarok jî di nav de sivîlên birîndar bûn ji nexweşxaneyekê re hatine veguhestin.
Artêşa Sûdanê nîvê şevê diyar kiribû ku balafirek di dema rabûnê de ketiye.
Bûyer li Omdurmanê ya li nêzî Hartûmê qewimî.
Şahidên bûyerê diyar kirin ku li herêma balafir lê ket xwarê xisar li gelek avahiyan bû.
Li Sûdanê ji Nîsana 2023’an û vir ve di navbera artêşa bi lîderiya General Abdul Fettah el Burhan û Hêzên Piştevaniya Lezgîn (HPL) a paramîlîter a bi fermandariya Mohamed Hamdane Daglo de şer diqewime.
Ji ber vî şerî bi dehan mirov hatin kuştin û zêdeyî 12 milyon mirov jî ji cih û warê xwe bûn.
