Tevî ku li piştperdeyî ji bo dawîlêanîna şerê li Ûkraynayê danûstandin zêde dibin, Rûsya di mijara axa Ûkraynayê ya dagir kirî de bi israr mizakereyê qebûl nake.
Berdevkê Serokatiya Dewleta Rûsyayê Dmitri Petrov di daxuyaniya çapemeniyê de wiha axivî: “Axa ku bûne parçeyek ji Federasyona Rûsyayê di makezagona welatê me de cih digirin û parçeyeke mayînde ya welatê me ye. Ev yek bi tu awayî nayê nîqaş û mizakerekirin.”
Rûsyayê çar herêmên Ûkraynayê, li rojhilat Donetsk û Lugansk û li başûr Zaporijya û Herson ku ji Îlona 20222’yan ve dagir kirî xist bin serweriya xwe de.
Di Adara 2014’an de piştî êrîşeke leşkerî ya demkurt û referandûmê nîvgirava Kirimê ya Ûkraynayê jî xistibû bin serweriya xwe.
Rûsyayê di heman demê de qismek ji herêma Harkivê ya ku dikeve bakurrojavayê Ûkraynayê jî dagir kiriye.
Ûkraynayê jî li herêma Kurskê ya li ser sînorê Rûsyayê nêzî çend sed kîlometreyan dagir kiriye.
Serokdewletê Ûkraynayê Volodimir Zelenskiy berî niha pêşniyara “pevguherandina axan” kiribû lê Kremlin ev yek red kiribû.
