Li gorî nûçeya AFP’ê rayedarekî polîsan ê payebilind bi şertê ku navê wî neyê eşkerekirin, diyar kir ku li herêma Hayber Pakhtunkhwa ya li ser sînorê Efganistanê ku mehên dawî tundî lê zêde bûye, şeva Înê bi ‘sê balafirên bêmirov êrîş hate kirin’. Hate îdîakirin ku êrîş li dijî ‘deverên ku Talîban a Pakistanê xwe lê veşartibû’ hate kirin.
Rayedar got, “Lê belê di nava qurbaniyan de 2 jin û 3 zarok jî hene.”
Hate ragihandin ku xelkê xwecihî bi armanca şermezarkirinê cesedên qurbaniyan daniye ser rê.
Berdevkê hikumetê yê bajêr Barrister Mûhammed Alî Saîf anî ziman ku herêma çiyayî ya êrîş lê hate kirin ji aliyê Talîbanê ve weke cihê xweveşartinê dihate bikaranîn û îdîa kir ku “Çend terorîstên payebilind hatin bêbandorkirin.”
