Dewleta Tirk a dagirker piştî dagirkirina Minbicê, gelek kes qetil kirin, revandin û goristanên şehîdan ên li Minbicê jî wêran kirin. Îro Meclîsa Malbatên Şehîdan a Kantona Firatê li dijî van êrîşan daxuyanî da û got, “Divê dagirker bên cezakirin.”
Daxuyaniya Meclîsa Malbatên Şehîdan li Goristana Şehîd Dîcle ya li Kobanê hate dayîn. Daxuyanî ji aliyê kurê şehîd Mehmûd, Ednan Elî daxuyanî da û got, “Em êrîşa dewleta Tirk a dagirker a li ser goristana şehîdan a li Minbicê şermezar dikin. Her wiha ev ne cara ewile ku dewleta Tirk a dagirker êrîşên welê li ser goristan şehîdan pêk tînin. Li Herêmên dagirkirî jî yên weke Efrîn, Şehba û Girê Sipî jî gelek caran ev kiryar li wir jî pêk hatin û goristanên şehîdan dihatin hedefgirtin û bombebarankirin.
Ev kiryarên derexlaqî li ser şûnwarên pîroz, cihên dîrokî pêk tên û çanda gelan jî tê qirkirin. Ev êrîş li dijî goristanên sivîlan jî tên kirin. Em roj bi roj rû bi rûyê komkujiyan tên, divê hemû saziyên mirovî li dijî van kiriyaran dawî li bêdengiya xwe bînin.”
