Navenda Ragihandin û Çapemeniyê ya HPG’ê got, “Artêşa Tirk a dagirker li dijî hêzên me yên di pozîsyona agirbestê de, êrîş û bombebaranên xwe yên hewayî û bejahî didomîne. Di êrîşa hewayî ya bi SÎHA’yê li Garê hatî pêkanîn de, 2 hevrêyên me şehîd bûn.”
HPG’ê têkildarî êrîşên artêşa Tirk a dagirker û bersiva hêzên gerîla, ev tişt diyar kirin:
“Êrîşên artêşa Tirk a dagirker ên bi balafirên şer;
7’ê Nîsanê di saet 11.28 û 11.29’an de artêşa Tirk a dagirker bi SÎHA’yê bombebaran li qada Çirav a herêma Garê pêk anî û di encamê de 2 hevrêyên me yên li ser wezîfeya xwe, şehîd bûn. Agahiyên derbarê nasnameya hevrêyên me yên şehîd, wê piştre bên eşkerekirin.
8 û 9’ê Nîsanê qadên Ergenê û Yekmalê yên herêma Garê 2 caran, Qada Berxwedanê ya Bêşîlî ya herêma Metînayê carekê, Qada Berxwedanê ya Girê Bahar a herêma Şehîd Delîl a Rojavayê Zapê carekê; bi giştî 4 caran bi balafirên şer hatin bombebarankirin.
Êrîşên ku artêşa Tirk a dagirker bi çekên giran, top û obusan pêk anîn;
9’ê Nîsanê artêşa Tirk a dagirker li derdora gundê Kanî Mezinê yê herêma Metînayê operasyoneke dagirkeriyê da destpêkirin. Di vê operasyonê de bax û baxçeyên gundiyan ji aliyê dagirkeran ve hatin şewitandin.
Di navbera 9 – 12’ê Nîsanê de Qadên Berxwedanê yên Berê Zînê, Sinînê û Lolan ên herêma Xakurkê 33 caran, qadên Kanî Sarkê, Dêreşê, Mijê, Girê Sîser, Zêvkê, Girê Kun, Girgaşê yên herêma Garê 127 caran, Qadên Berxwedanê yên Serê Metîna, Şêlazê û Bêşîlî yên herêma Metînayê 272 caran, Qadên Berxwedanê yên Girê Amediyê û Girê Bahar ên herêma Şehîd Delîl a Rojavayê Zapê 594 caran; bi giştî 1026 caran bi çekên giran, top û obusan hatin bombebarankirin.
Mudaxileyên ku hêzên me li dijî êrîşan kirine;
9’ê Nîsanê di saet 10.30’an de hêzên me bi çekên ferdî û otomatîk 2 caran bersiva êrîşên dagirkeran ên li ser tunelên berxwedanê yên li Qada Berxwedanê ya Şêlazê ya herêma Metînayê dan.
10’ê Nîsanê di saet 12.40’an de hêzên me bi çekên otomatîk 2 caran bersiva êrîşên dagirkeran ên li ser tunelên berxwedanê yên li Qada Berxwedanê ya Şêlazê ya herêma Metînayê dan.
12’ê Nîsanê di saet 06.15’an de wesayîteke zirxî bi çekên giran tunel û çeperên me yên li Qada Berxwedanê ya Sergelê ya herêma Şehîd Delîl a Rojavayê Zapê, bombebaran kir. Bi droneke kamîkaze derbe li vê wesayîta zirxî hate xistin.”
