Karwan Horamî ku neferekî fedakar ê çapemeniya azad bû, di encama nexweşiyekê de 14’ê Nîsana 2023’an li Herêmên Parastinê yên Medyayê şehîd bû.
Karwan Horamî ku li gundê Jaweru yê wîlayeta Sine ya Rojhilatê Kurdistanê ji dayik bû, 15 salan ji bo Têkoşîna Azadiyê ya Kurdistanê ked da.
Di heman demê de ji bo pêşvebirina çapemeniya azad jî kedeke mezin da; li servîsa Farsî ya ANF’ê salên dûr û dirêj edîtorî kir. Pênûsa xwe ji bo heqîqeta gelê xwe bi kar anî û gotinên xwe jî kir şêweyekî berxwedanê.
Pirtûka bi navê ‘Karwanê Gotinên Azad’ ku Adara 2024’an hate weşandin, ji bo mirovên ku bixwazin jiyan, têkoşîn û kesayetiya Karwan Horamî nas bikin çavkaniyeke hêja ye. Di pirtûkê de her wiha wêneyên Karwan jî hene.
Rêveberiya ANF’ê di salvegera şehadeta Karwan de daxuyaniyek da û keda wî ya bi fedakarî ku di oxira çapemeniya azad de da, careke din bi hurmet bi bîr anî. ANF’ê got, “Mîrateya ku wî li pey xwe hişt, ne tenê nûçeyên ku nivîsand di heman demê de ji bo kedkarên çapemeniyê yên nifşên ku ku didin pey heqîqetê, bûye pûsûlayek.”
ANF’ê diyar kir ku şehîd Karwan Horamî wê bi ziman, berxwedan û sekna bi rûmet a gelê xwe timî bê bîranîn û got, “Gotinên wî weke dengvedana temenekî cangoriyê azadiyê wê her tim bê bîranîn.”
