Tevî ku emniyetê ji bo merasîma sersaxiyê destûr dabû jî, polîs bi wesayîtên zirxî ketin mala şînê û bi gotina “ferman heye, em destûrê nadin” malbat derxist jiderve.
Endamên MEBYA-DER’ê jî xwestin sersaxiyê bidin malbatê, lê belê ji aliyê polîsan ve hatin astengkirin.
Piştî astengiyan, malbatê xwest li mizgefta taxê şînê deyne, lê belê polîsan ev jî qedexe kir. Malbat weke çareya dawî, derbasî mala xwe ya li Taxa Cûdî bû û sersaxî li wir qebûl kirin.
Têkildarî bûyerê, Parlamentera DEM Partiyê ya Şirnexê Newroz Ûysal Aslan li Muftutiya Navçeyê geriya û îtîrazê biryara qedexeyê kir. Lê belê Muftutiyê diyar kir ku biryar ayîdê Qeymeqamtiyê ye, lewma ew ê mudaxile nekin.
