Dayikên Şemiyê û parêzvanên mafên mirovan li Qada Galatasarayê çalakiya xwe ya 1047’emîn lidar xistin.
Dayikên Şemiyê bi qurnefîl û wêneyên xizmên xwe yên di bin çavan de hatine windakirin, li qadê kom bûn. Vê hefteyê aqûbeta Nurettîn Yedîgol hate pirsîn ku 12’ê Nîsana 1981’an li Stenbolê ji aliyê polîsan ve hate binçavkirin û piştre hate windakirin.
Ji Hevserokatiya Giştî ya Komeleya Mafên Mirovan (ÎHD) Eren Keskîn jî beşdarî daxuyaniyê bû. Daxuyanî ji aliyê Besna Tosûn ve hate xwendin.
