Teqîna mezin a ku ji deh kîlometreyan hate bihîstin, roja Şermiyê danê nîvroyê pêk hat.
Hate ragihandin ku di teqîna berbehs de 40 welatiyan jiyana xwe ji dest dane û zêdetirî hezar kes jî birîndar bûne.
Xebatên temirandina vê şewata mezin ku bûye sedema zirarên mezin, ev sê roj in berdewam dikin. Li qada şewatê hê jî dûkêleke reş bilind dibe.
Televîzyona dewletê ragihand ku piştî ku şewat were kontrolkirin ew ê derbasî ‘’paqijkirina qada şewatê û diyarkirina ziraran bibin.’’
Ev bendera stratejîk hezar kîlometreyan başûrê Tehranê ye û nêzîkî bajarê beravî Bender Abbasê yê ku li nêzî Tengava Hurmuzê ye ku beşeke girîng a petrola cîhanê ji vir derbas dibe.
Sedema teqînê hê nehatiye diyarkirin lê belê li gorî rayedaran teqîn ji ber şewateke depoya madeyên kîmyewî çêbûye.
Serokê Olî yê Îranê Ayetullah Ali Hamaney ferman daye ku were diyarkirin teqîn ji ber ‘’terkexemiyê’’ yan ‘’bi qestî’’ çêbûye.
Her wiha Serokkomarê Îranê Mesud Pezeşkiyan roja Yekşemê ji bo seredana birîndaran çû nexweşxaneya li nêzî bajarê Bender Abbasê.
