Şêniyên Şengalê, nûnerên TAJÊ û saziyên Rêveberiya Xweser ên Şengalê di şexsê şehîdên pêşeng ên PKK’ê Riza Altûn û Alî Haydar Kaytan de Şehîdên meha Gulanê bi merasîmekê bi bîr anîn.
Bi vê armancê bi sedan kes li Şehîdgeha Şehîd Dilgeş û Şehîd Berxwedan li hev kom bûn, find vêxistin û bi deqeyeke rêzgirtinê dest bi merasîma bîranînê kirin.
Berdevka Tevgera Azadiyê ya Jinên Êzidî (TAJÊ) Rîham Hico li bîranînê axivî û soza pêkanîna armancên şehîdan da.
Rîham Hico got, “Şehîdên me di her kêliyê de di dilê me de ne. Em ê heta dawiya jiyana xwe li ser rêya wan bin. Em bi saya wan îro li vir in û gihane roja me ya îro. Her berdêla ku di têkoşîna azadiyê de dide ji me re û ji bo tevahiya civakên bindest e.”
Rîham Hico li ser navê gelê Şengalê kongreya 12’mîn a PKK’ê pîroz, silav kir û got “Her biryar û perspektîfa ku ji aliyê Serok Apo û tevgerê ve tê dayin ji bo me tevan, biryar e û li ser xwe ferz dibînin, pê bawer in û heya dawiyê destek dikin.”
Hico got, “Em niha di merheleyeka dîrokî re derbas dibin. Pêwiste her kes vê pêvajoyê baş fêhm bike. Bidawîkirina têkoşîna çekdarî û xwe fesixkirin nayê wê wataye ku dev ji her tiştî hate berdan, bervajî wê dest bi pêvajoyek nû ya xwe dispêre bingeha neteweya demokratîk tê kirin. Pêwiste her kes xwe li gor van şert û mercan amade bike. Pêwiste her ferd bi vê hesasiyetê tevbigire. Pêwiste em destekê bidin Serok Apo heya ku pêvajo bi awayekî serketî bi serbikeve.”
Berdevak TAJÊ Rîham Hico herî daî jî got “Ji bo xwen û xeyalên van hevrê û pêşengan em pêk bînin a ji destê me were em ê bê dudilî pêk bînin.”
