Serokkomar Mesûd Pezeşkiyan ji meha Tîrmehê dema destpêkirina wezîfeyê û vir ve ‘bikaranîna ne rast û zêde’ ya enerjiyê rexne kir û bang li welatiyan kir ku di enerjiyê de teserûfê bikin.
Dewletê bi vê armancê li saziyên cemaweriyê, banka û dibistanan dema kar ji saet 06:00-13:00 diyar kir.
Lê belê jiyana rojane ya gel zehmet dibe. Qutbûna elektrîkê li malên li paytext Tehranê bandorê li asansoran, sîstemên cemidandinê û herikîna avê dike.
Zehmetiya herî giran jî dikandar dikişînin. Qesab dibêjin, qutbûna elektrîkê ya saetekê jî dibe sedem ku berhemên wan xera bibin. Sîstemek nîne ku vê zerarê telafî bike.
Di heman demê de qutbûna elektrîkê bandoreke giran li navendên pîşesaziyê dike. hin febrîqe hefteyê du rojan jî nikarin kar bikin.
Li pişt krîza enerjiyê kêmaniya razemeniyê, ziwatiya demdirêj û germa zêde ya havînê heye.
Aciziya ji ber vê yekê li hin deverên welêt bi xwepêşandanên şermezarkirinê hate nîşandan. Tê gotin, rojên dawî gelek çalakiyên şermezarkirinê hatin lidarxistin. Ji ber ku çareseriyeke mayinde ji krîza enerjiyê re nayê dîtin, hêrsa gel zêde dibe.
