Ji bo Gulîzar Yildiz ku ji aliyê Remzî Kayaalp ve hate qetilkirin, ji aliyê malbata wê ve li Taxa Ş. Harunboy şîn hate danîn.
Tevgera Jinên Azad (TJA), Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) û hevserokên Şaredariya Silopiyayê serdana şînê kirin.
Li ser navê TJA’yê Adalet Çîmen Fîdan axivî û destnîşan kir ku ew ê vê şînê veguherînin têkoşînê û wiha got: “Em soz didin ku ji bo kujer bi awayekî herî giran were cezakirin, têkoşîna pêwîst bidin.”
Adalet Çîmen Fîdan bang li jinan kir ku tevlî meşa ku roja Çarşemê li dijî tundiya mêr were lidarxistin bibin.
