Serokê Giştî yê Partiya Îslamiya Kurdistan (PÎK) Hikmet Serbilind bi daxuyaniyeke nivîskî şehîdên Komkujiya Geliyê Zîlan bi bîr anî. Di daxuyaniya bi sernavê ‘Em komkujiya Geliyê Zîlan ji bîr nakin’ de ev tişt hatin parvekirin:
“Komkujiya Geliyê Zîlan a 13’ê Tîrmeha 1930’an yek ji komkujiyên herî mezin e ku diktatoriya kemalîst a li ser gelê Kurd pêk aniye. Di vê komkujiyê de dewleta Tirk sûcên herî giran ên li dijî mirovahiyê kir.
Li gorî daneyên fermî, ji zarokên di zikê dayikan de heta yên herî mezin, zêdetirî 15 hezar Kurdên bindest bi awayekî hovane hatin qetilkirin.
Dewleta Tirk a zalim îro jî dijminatiya xwe ya kevneşopî li dijî gelê Kurd didomîne û li tevahiya Kurdistanê, li dijî nasname û destkeftiyên gelê Kurd, siyaseta înkar û îmhayê bi kar tîne.
Em şehîdên Zîlanê û her wiha hemû şehîdên Kurdistanê bi rêz û hurmet bi bîr tînin. Em bi tundî Rejîma Kemalîst a TC a faşîst ku ev komkujiya hovane pêk anî, şermezar dikin.”
