Partiya Wekhevî û Demokrasiyê ya Gelan (DEM Partî), ji bo “Komîsyona Piştgiriya Neteweyî, Xwişk-Biratî û Demokrasiyê” ya li meclisê hat avakirin, li şûna kesên ji Îyî Partî re hatine veqetandin, pêşniyar kir ku 3 endamên nû werin wezîfedarkirin.
Li gorî agahiyên hatine bidestxistin; Cîgira Serokê Giştî ya DEM Partiyê û koordînatora komîsyonê ya DEM Partiyê Gulîstan Kiliç Koçyîgît, ji ber ku Îyî Partiyê endam nedan 3 kursî vala ma û pêşniyarnameyek da komîsyonê.
Gulîstan Kiliç Koçyigît pêşniyar kir ku ji bo 3 kursiyên vala mane pêşniyara jinûve organîzekirina endaman kir. Li gorî agahiyên hatin bidestxistin, AKP, CHP, MHP, Partiya Yenî Yolê û partiyên din ev daxwaza DEM Partiyê qebûl kirine.
Dê DEM Partî, CHP û AKP her yek endamek nû diyar bike. Ev pêşniyar dê civîna 8’ê tebaxê de bê peşkeş kirin û bibe biryar. Partî dê piştre kesên ku beşdarî komîsyonê bibin aşkera bikin. Li gorî vê yekê hejmara endamên komîsyonê yên DEM Partiyê dê bibe 5, hejmara ya CHP’ê dê bibe 11 û hejmara ya AKP’ê jî dê bibe 22 kes.
