Festîvala ciwanan a ku her sal li bajarê Dûîsbûrg ê eyaleta Ren-Vestfalya (NRW) a Elmanyayê tê lidarxistin, îsal bi navê Festîvala Ciwanan a Şehîd Lecwan Mûnzûr tê organîzekirin. Festîvala bi pêşengiya Tevgera Ciwanên Şoreşger (TCŞ) wê 16’ê Tebaxê li Lûdgerîplatzê bi dirûşma ‘Bi Şoreşa Çandî re ber bi Sosyalîzmê ve’ pêk were.
Di festîvalê de wê navên navdar ên muzîka Kurdî derkevin ser dikê. Li gel nûnerê muzîka hip-hopê ya Kurdî Diyar Gerîla, gelek hunermendên mîna Bermal Çem, Bengî Agirî, Fatoş Ereklî, hunermendê rap Muharrem û Şervan Badînî wê derkevin ser dikê.
Di festîvalê de ji bilî aktîvîteyên muzîkê, wê pêşandanên fîlman, axaftin û aktîvîteyên cuda yên çandî jî bên lidar xistin.
Komîteya Amadekar, hemû gel vexwend festîvalê û banga parastina çandê û xurtkirina hevgirtinê kir.
