Serokwezîr Anthony Albanese di daxuyaniya xwe ya spartî raporên îstixbaratê de, diyar kir ku Cotmeha 2024’an li kafeyeke li semta Bondi ya Sydney û meha Kanûnê li Adass İsrael Sinagogu ya li Melbourne yê şewat derketin, Tehran ji van şewatan berpirsyar e. Albanese anî ziman ku dibe li pişt êrîşên din ên antîsemît ên li welêt jî, Îran hebe.
Ji Wezareta Karên Derve Penny Wong destnîşan kir ku ji dema Şerê Cîhanê yê Duyemîn û vir ve cara ewilî gavek wisa avêtine û ragihand ku Awûstralyayê fealiyetên sefaretxaneya xwe ya bilind a li Tehranê rawestandiye û bang li sefîrê xwe yê bilind kiriye ku vegere.
Wong got, tevî vê yekê jî wê bi Îranê re têkiliyên dîplomatîk bi temamî neyên qutkirin, ji bo parastina berjewendiyên welatiyên Awûstralyayê wê di asta asgarî de hevdîtin bidomin.
Hikûmetê her wiha ragihand ku ji bo Artêşa Muhafizên Şoreşê ya ku hêza paramîlîter a Îranê ye, bigire lîsteya rêxistinên terorê wê sererastkirina qanûnî pêk bîne.
