Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî), Partiya Devrîmcî, EMEP, ESP, SMF, SODAP, SYKP, TİP, TOP, Partiya Çep a Kesk û Halkevlerî bi daxuyaniyeke nivîskî nerazîbûn nîşanî betalkirina Kongreya CHP ya Stenbolê û tayînkirina qeyûm a ji bo şûna rêveberiyê dan. Di daxuyaniyê de hat diyarkirin ku ev hewldana desthilatê “darbeyek eşkere ya ji bo jiholêrakirina mafê dengdayîn û hilbijartinê ye û desteserkirina destkeftiyên demokratîk e.”
Di daxuyaniyê de wiha hat gotin: “Desthilata Qesrê bi tayînkirina qeyûmên li ser şaredariyan û girtina şaredaran re hewl dide rejîma xwe xurt bike. Herî dawî biryara 49’emîn Dadgeha Asliyeyê weke weke hincet nîşan da û qeyûm tayînî ser rêveberiya CHP’ê ya Stenbolê kir. Ev yek nîşan dide ku desthilat bi awayekî keyfî tevdigere.”
Daxuyanî wiha dewam kir: “Her wiha desthilata ku bi avakirina ku ‘Hevgirtina Neteweyî, Xwişk-Biratî û Demokrasiyê’ muzakereyan dimeşîne di heman demê de zextê li ser partiyên ku beşdarî vê pêvajoyê bûne dimeşîne û bi astengkirina Kurdî re hewl dide ku bi rêbazên sextekar û zorê ji tengasiya navxweyî û derve derbas bike. Hişmendiya hikûmetê ya ‘pêvajoyê’ tenê bi fesixkirina PKK’ê û çekdanînê ye. Têkildarî pirsgirêka Kurd heta niha tu gav neavêtiye û gotina ‘xwwişk-biratî û demokrasî’ vala derdixe.
Desthilata Qesrê di asta herêmî de jî siyaseta xwe ya şer zindî dihêle da ku ji şerê parçekirina Rojhilata Navîn sûd werbigire. Sûriyeyê wekî axa ku ji Osmaniyan maye xwdî lê derdikeve û xwe wekî desthilatdariya ji nû ve dîzaynkirina navxweyî ya welat dibîne. Ji anîna bermahiyên Talîban-DAÎŞ’ê ya li ser desthilatê, êrîşên li ser Elewî û Durzî yên li Sûriyeyê û komkujiyên Îsraîlê yên li ser Filistînê bêdeng dimîne û ev yek li gorî planên berfirehbûnê ne. Armanca vê planê ew e ku bi hevkariya DYE’yê qada herêmî ji bo sermayeya Tirkiyeyê veke. Heman desthilat li hemberî nîqaşên li ser statûya Kurdên Sûriyeyê aciz dibe û li ser xeta ku şêrê xwe bikşîne ye. Gotina Erdogan a ‘wê şûr were kişandin’ û daxuyaniya Bahçelî ya ku li ser peyaman di navbera SDG/YPG û Şamê gotibû ‘ger li gorî wê tevnegerin, destwerdana leşkerî ya hevbeş neçar e’ bi zelalî nîşan didin ku bê desthilat pêvajoyê çawa ji bo xwe bikar tîne. Desthilat li gorî şert û mercan helwesta xwe diguherîne û di heman demê de xeta pevçûn û bazariyê didomîne.
Soza me ji bo gelên Tirkiyeyê, ji bo karker û kedkaran eşkere ye. Têkoşîna me ya li dijî vê serweriya faşîst wê berdewam bike; zilm û zordariya ku li ser biryarên darazê yên manîpulekirî tê ferzkirin wê tu carî neyê qebûlkirin. Çawa ku qeyûm şandin ser şaredariyên HDP/DEM’ê me got ev êrîş li hemberî hatiye kirin, îro armanca wê çi dibe bila bibe li hemberî vîna gel, demokrasî û wekheviyê tê kirin. Em ê bi hev re li dijî vê destwerdanê têbikoşin.
Hêrsa û têkoşîna gel roj bi roj mezin dibe. Em ê vê têkoşînê xurtir bikin û ji bo desthilata Qesrê têk bibin em ê li ber xwe bidin. Em ê têkoşîna ji bo demokrasî û azadiyê hem li hundir û hem jî li derve mezin bikin.”
