Hêzên Ewlekariya Hundirîn, Hêzên Ewlekariya Hundirîn a Jin ê Bakur-Rojhilatê Sûriyeyê, û Yekîneyên Parastina Jin YPJ’ê, bi piştgiriya Hêzên Sûriyeya Demokratîk û Koalîsyona Navneteweyî, dawîkirina qonaxa nû ya Operasyona Mirovî û Ewlehiyê ya li Kampa Holê ragihandin.
Di daxuyaniya têkildarî bidawîkirina operasyonê de hate destnîşankirin ku armanca operasyonê tunekirina gefên ku ji aliyê şaneyên DAÎŞ’ê ve di nava kampê de tên kirin, pêkanîna ewlehiya sivîlan û parastina xebatkarên saziyên alîkariya mirovî ye.
Operasyonê di du rojan de encamên girîng bi dest xistiye.
Encamên operasyonê bi vî rengî ye:
-Torên terorîst ên ku di nav kampê de fealiyetê dikirin, hate belavkirin.
–11 çeteyên girêdayî DAÎŞ’ê hatin girtin
-Hewldanên êrîşê yên li dijî saziyên mirovî hatin astengkirin.
-Bi operasyonên şevê yên taybet veşartgehên çeteyan hatin eşkerekirin û cihên ku êrîş lê pilan dikirin hatin îmhakirin.
Di daxuyaniyê de hate destnîşankirin ku operasyon bi saziyên mirovî re bi awayekî koordîne hate meşandin û ji bo nîştecîhên kampê hawirdorekî ewletir hate pêkanîn.
Di dawiya daxuyaniyê de wiha hate gotin: “Têkoşîna me wê li dijî terorê bênavber dewam bike. Parastina sivîlan û bi temamî ji holêrakirina îdeolojiya DAÎŞ’ê armanca me ya sereke ye.”
