Serokwekîla Koma Partiya Wekhevî û Demokrasiyê ya Gelan (DEM Partî) Gulistan Kiliç Koçyîgît piştî axaftina nûnerên sendîkayan, di civîna 8emîn a Komîsyona Hevgirtina Neteweyî, Xwişk-Biratî û Demokrasiyê ya ku di çarçoveya çareserkirina pirsgirêka Kurd de hatiye damezrandin de axivî.
Gulistan Kılıç Koçyiğit diyar kir ku ji bo pêvajo bi awayekî serkeftî bi encam bibe divê hemû kes bi berpirsyarî tevbigerin û wiha got: “Divê pêvajoya dîrokî neyê xirakirin. Guhdarkirin berdewam dikin. Yên beşdar dibin dibêjin gelo di vir de çareseriyek derdikeve yan na. Sepanên li dijî demokrasiyê pêvajoyê jehrî dikin. Divê ew pratik bên terikandin. Gotin û kirin li hevdû inagrin. Ji bo pêvajo bi awayekî serkêftî encam bigre divê hemû kes berpirsyarî tevbigere. Aştî divê bibe aştiya me hemûyan. Li hemberî gelên Tirkiyeyê em hemû berpirsyar in.”
Civîna 8’emîn a komîsyonê bi dawî bû. Komîsyon wê di civîna 9’emîn a ku wê sibê were lidarxistin de nûnerên Yekîtiya Ode û Borsayên Tirkiyeyê (TOBB), Yekîtiya Odeyên Çandiniyê ya Tirkiyeyê (TZOB), Konfederasyona Esnaf û Pîşekarên Tirkiyeyê (TESK), Konfederasyona Sendîkayên Kardêrên Tirkiyeyê (TÎSK), Komeleya Pîşesazî û Karsazên Tirkiyeyê (TUSÎAD), û Komeleya Pîşesazî û Karsazên Serbixwe (MUSÎAD) guhdar bike.
