Kampanyaya ‘Sêşema Na ji Cezayê Darvekirinê re’ ku ji hêla girtiyên siyasî yên li girtîgehên Rojhilatê Kurdistanê û Îranê ve hatiye destpêkirin, di hefteya 90’emîn de daxuyaniyek belav kir.
Li gorî daxuyaniyê veguhestina girtiyên siyasî yên jin ya ji girtîgeha Qerçek a ji bo girtîgeha Evîn dewam dike. Hate diyarkirin ku dema girtî tên veguhestin rûbiruyê tundiyê dimînin û hate gotin, “Jinên ku dijî kuştina Sumeye Reşîd dest bi nerazîbûnê kirine, niha ji pêwîstiyên xwe yên bingehîn bê par hatine hiştin û rewşa wan gelek xirabe. Ev yek binpêkirina mafê mirovane.”
Kampanyayê ragihand ku di nava 20 rojên borî de 164 kes li Rojhilatê Kurdistan û Îranê hatine darvekirin.
Di heman daxuyaniyê de bang li civaka navnetewî û azadîxwazan hate kirin ku dijî darvekirinan xwedî helwest bin.
