Koma Amed, piştî 30 salan, li Amedê bi beşdariya bi sedan hezaran kesan konserek dîrokî pêk anî. Karê amadekirina wê konserê bi mehan berê dest pê kiribû. Beriya konsêra ku bi mîlyonan kes bêsebrî li bendê bû, kom li bajêr bi coşek mezin hat pêşwazîkirin. Piştî pêşwaziyê, komê serdana saziyan kir û paşê konsêr pêk anî; li qada Newrozê bi sedan hezaran kesan, li pêşberî televizyonê jî bi mîlyonan kesan bi awayekî zindî temaşe kir. Koma ku ruh û şopên salên 90’î hildigire, ji beşdaran re şevekê nayê jibîrkirin pêşkêş kir. Welatiyên li qadê jî bang kirin ku divê ev cure çalakî ku bîranînan xurt dike, zêdetir bên kirin.
Piştî konsêra ku rojên dirêj hate axavtin, solîstê komê Suleyman Çernewa coş û heyecana ku jiyan kirin ji ajansa me re got û diyar kir ku di pêvajoya ku didome de berpirsyariya aşitiyê ya herî zêde li ser hûnermendan e.
BANGA DAWÎ ANÎNA HESRETÊ!
25’ê Cotmehê li qada Newrozê di konsêra ku hat kirin de, komê du saetan stran got û ji 7 heta 70’ê her kesî beşdar bû. Di konsêrêku bi govend, dirûşma û tîlîliyan derbas bû de bi sedan hezaran kes demên ku bîranînên kevin jiyan kirin. Endamên komê yên ku li hemberî heyecan û coşa girseyê hemû stranên xwe bi heman şopê gotin, heta dawiya konsêrê bêdeng nesekînin. Ji bilî vê, gelek hunermendên Kurd ên ku li Ewropayê di sirgûniyê de dijîn, di nav wan de Şivan Perwer û Xelîl Xemgîn jî, peyamên bi dîmen şandin konsêrê. Hunermendan başbûna rewşa pêvajoyê û vekirina riyên vegerê anîn ziman û balkişandin ser daxwaza bi gel re hatina gel hev. Hunermendan anîn ziman ku sirgûn dirêj ajotiye û hasreta stranên xwe li ser axa xwe gotinê jiyan dikin. Û bang li gel kirin ku xwedî li zimanê xwe yê dayikê û çanda xwe derkevin.
Berî konsere û piştî konsêrê komê serdana gelek saziyan li bajêr kir û bi sedan kesan re hate ba hev. Koma Amed rastî eleqeyeke mezin hat. Di vê pêvajoyê de komê li kolanên Sûrê geriya û bîranînên xwe nû kir.
Suleyman Çarnewa ku derbarê konsêra dîrokî de bi ajansa me re axivî, derbarê bîranîn û aştiyê de nirxandin kir.
‘GELÊ ME HEM EM HESTIYAR KIRIN HEM JÎ WÊREKÎ DA ME’
Suleyman Çernewa, vê vegerê hem ji aliyê şexsî hem jî ji aliyê hunerî ve wekî “ji nû ve dayikbûn” bi nav kir. Çarnewa got: “Piştî 30 salan li ser axa xwe rawestan ji bo min wekî ji nû ve hatina dinyayê ye.” Çarnewa li hemberî eleqeya gel û saziyan heyecana ku jiyan dikir bi van gotinan anî ziman: “Me dît ku nêzîkatiya gel a li hemberî hunermendê xwe çiqas rast, çiqas biniex e û çiqas hesas e. Pêşwazîkirin awarte bû. Ev eleqe hem em hestiyar kirin hem jî wêrekî da me. Dîtina vala neçûna têkoşîna hunerî ya salên 90’î ji bo me pir bi nirx e.”
‘ME BI RABIRDÛYÊ RE TÊKILIYEK DANÎ’
Çarnewa ku bibîr xist ku Koma Amed ya ku di sala 1988’an de hatiye damezrandin heta niha li Amedê konsêrek nedaye û anî ziman ku ev konsêr ji bo wan wateyeke dîrokî digire: “Di hevpeyvîneke xwe de min gotibû; deynê me ji Amedê re heye. Bi vê konsêrê em hem wê deynê didin hem jî vegera xwe ya li ser axê pîroz dikin. Ev ji bo me wekî cejneke ye. Li Qada Newrozê bûna wê jî wateyeke sembolîk digire. Konsêr tenê çalakiyeke muzîkî nîne, di heman demê de pêvajoyeke hunerî ya ku bi rabirdûyê re têkiliyê temam dike ye. Ez vê konsêrê wekî temamkirina dîroka hunerê ya nîvco mayî, wekî lutkeya herî bilind dibînim.”
‘BÊYÎ AŞITÎ ÇÊBIBE DENGÊ HUNERÊ BILIN NABE’
Hunermend, derbarê pêvajoya aştiyê ya ku di 27’ê Sibatê de ji aliyê Rêber Apo ve hatiye destpêkirin de jî nirxandin kir. Çarnewa bibîr xist ku di salên 1990’î de hunermendên Kurd li hemberî zordarî û qedexeyan berxwedaneke mezin nîşan dan û ev tişt got: “Me di wê demê de bêdudilî stran gotin, li rex têkoşîna azadiyê ya gelê xwe rawestiyan. Aşitî, herî zêde huner û hunermendê eleqedar dike. Ji ber ku bêyî aştiyê dengê hunerê bilind nabe. Ji ber vê yekê berpirsyariyeke mezin dikeve ser hunermend û ronakbîran. Em wekî Koma Amedê ji niha û pê ve ji bo aştiyê, xwîşk û biratiyê û yekitiya gelan hilberînê bidomînin. Em ê wekî kom ji bo xwîşk û biratiya gelan, aştiyê û ji nû ve xwîn nerije stranan çêkin. Em dixwazin van stranên xwe bigihînin her deverê Tirkiyê û herêmê û êşên di rabirdûyê de hatine jiyîn derman bikin.”
