Ji bo gerîlayê HPG’ê Siracettin Kondu (Rizgar Rojka), ku di êrîşa dewleta Tirk a di 14’ê Tebaxa 2020’an de li herêma Metîna gihîşt şehadetê, li gundê yê qeza Kop a Mûşê taziye hate danîn. Taziye bi pêşengiya Komeleya Alîkarî, Piştevaniya Çandî û Yekîtiyê ya Xizmên Xwe Li Dergûşa Şaristaniyan Windakirî (MEBYADER) bi awayekî girseyî hate ziyaretkirin. Ji bilî nûnerên partî û sazîyên siyasî, gelek welatî jî beşdarî serdana taziya ku li ber mala malbatê hatibû danîn bûn.
Gel bi dirûşma “Şehîd namirin” ber bi qada taziyê ve meşiyan. Li ber deriyê mala taziyê, malbat pêşwaziya kesên hatin kir û welatiyan yek bi yek sersaxî xwestin. Endamên malbatê bi gotina, “Serê Rêberê me, hevalên me û tevahiya gelê Kurdistanê sax be” pêşwaziya mêvanan kirin. Di taziyê de Parlamentera Partiya Wekhevî û Demokrasiyê ya Gelan (DEM Partî) ya Mûşê Sumeyye Boz jî axivî û got, “Hatina me ya îro bi saya wan e. Wan canê xwe di vê oxirê de feda kirin. Em çi bikin jî nikarin bigihêjin mertebeya wan.”
