Li gorî agahiyên nû yên Wezareta Hawirdorê ku roja Yekşemê parve kir, ji 16’ê Mijdarê û vir ve ji ber lehiyê herî kêm 90 kesî jiyana xwe ji dest dan. Hate ragihandin ku ji kesên jiyana xwe ji dest dan 60 jê li herêma çiyayî Dak Lakê mirin. Bi deh hezaran xanî jî di nava avê de man.
Li herêmên başûr û navendî yên welêt, ji dawiya meha Cotmehê û vir ve bê navber baran dibare.
Li bajarê Nha Trangê tax bi temamî di nava avê de man. Li derdora Dat Latê jî li herêmên bilind hezaz qewimî. Gelek rê û xeta rêyên hesinî hîn jî girtî ne.
Ji ber qutbûna elektrîkê ku hefteya derbasbûyî bandor li milyonek mirovî kir, 129.000 mirov hîn jî bê elektrîk in. Hikumetê diyar kir ku xisara li pênc eyaletan bû nêzî 300 milyon Euro ye.
Li Vietnamê mehên Hezîran-Îlonê bi giranî bi baraneke zêde derbas dibin. Li gorî zanyaran ji ber guherîna avhewayê, bûyerên hewayê yên zêde û hilweşîner ên bi vî rengî zêde bûne.
