Vahap Karatay, ku piştî 31 salan ji Girtîgeha Tîpa T ya Elezîzê hate berdan, li navçeya Bazîdê ya Agiriyê bi awayekî girseyî hate pêşwazîkirin. Karatay, ku li ber girtîgehê ji aliyê malbata xwe ve hate pêşwazîkirin, gihîşt Bazîdê. Gelek kes tevlî pêşwaziya girseyî ya li ber deriyê navçeyê bûn.
Karatay, ku bi meşaleyan hate pêşwazîkirin, çû mala malbata xwe ya li Taxa Barışê. Gelê ku li ber mala malbatê govend gerand, dirûşmeya “Bijî berxwedana zindanan” berz kir.
Karatay di pêşwaziyê de axaftineke kurt kir û got, “Hêvî dikim ku têkoşîna gelê me ya Civaka Demokratîk bigihîje serketinê. Ji bo ku em serkeftinê bi dest bixin, divê em hemû bi awayekî rêxistinî bixebitin.”
