Li gorî texmînên destpêkê yên Swiss Re, tevî şewatên li Los Angelesê û bahozên giranbiha yên li DYE’yê jî windahiyên aborî yên ji ber karesatên xwezayî li seraserê cîhanê diqewimin di sala 2025’an de bi qasî ji sisêyan yek kêm bûne û daketiye 220 milyar dolarî.
Windahiyên ku sektora sîgortayê girtine ser xwe li gorî sala berê ji sedî 24.1 daketiye û wekî 107 milyar dolar hatiye hesabkirin.
Bi vê daketinê re aramiya demsala bahozan, li Bakurê Atlantîkê li gorî sala 2024’an bandoreke diyarker lîst.
Bahoza Melissa ya herî bi maliyet a sala 2025’an ku li Jamaîkayê xist û bandor li Haîtî û Kubayê kir. Bahozeke di asta 5’an de bû û leza bayê ya ku di saetekê de gihîşt 298 kîlometre windahiyeke mezin çêkir û hat ragihandin ku windahiyên sîgorteyan gihîştine 2.5 milyar dolarî.
Di sala 2025’an de bi tevahî 13 bahoz qewimîn lê cara yekem e ku bahoza mezin a ku ji deh salan carekê tê dîtin rasterast negihîşt DYE’yê û lêçûna giştî kêm kir.
Swiss Re destnîşan kir ku tevî lêçûn kêm bûne jî, windahiyên karesatên sîgorteyan ên sala 2025’an gihîşt 100 milyar dolarî.
Bi taybetî bahoz, tofan û lehiyên ku di mehên Adarê û Gulanê de li DYE’yê qewimîn, lêçûnên sîgorteyan gihîştin 50 milyar dolarî.
Ji sedî 83 windahiyên sîgorteyan ên kurevî tenê li DYE’yê çêbûn. Şewatên li Los Angelesê 40 milyar dolar ên vê beşê girt. Lehiyên mezin li Vîetnam, Tayland û Endonezyayê yên li Başûr-Rojhilatê Asyayê qewimîn rê li ber lêçûnên din vekir û lêçûnên ji bo van herêman hîn nehatine hesabkirin.
