Li Şengalê îro bi pêşengiya Tevgera Azadiya Jînên Êzîdî (TAJÊ) û Rêveberiya Xweser a Şengalê, li ser êrîşên hikumeta demkî ya Sûrî ku ev sê roj in êrîşî taxên Şêxmeqsûd û Eşrefiyê yên Helebê dike, daxuyanî hate dayîn.
Daxuyanî li navenda bajarê Şengalê li ber Meclisa Gel hate dayin. Gelek endam û rêveberên saziyên giredayî Rêveberiya Xweser a Şengalê tevlî daxuyaniyê bûn.
Daxuyanî ji aliyê endama Koordinasyona Tevgera Azadiya Jinên Êzîdî (TAJÊ) Neam Bedel va hate dayîn.
Di daxuyaniyê da berxwedana gelê Şêxmeqsûd û Eşrefiye hate silavkirin û wiha hate gotin, “Em îro wekî saziyên Rêveberiya Xweser a Şengalê ji bo êrîşên li ser taxên Şêxmeqsûd û Eşrefiye yên Helebê kom bûne, em di serî de berxwedaniya gelê me yê Helebê silav dikin û pitgiriya xwe ji bo wan tînîn ser ziman. Dema mijar dibe Kurd an Êzîdî tu kes deng dernaxe hemû xwe kor û ker dikin.
Em bang hemû hêzên navnetewî û komaleyên mafên mirovan dikin ku erîşên Hikûmeta Demkî ya Sûriyeyê li ser taxên Kurdan bidin sekinandin.
Em daxwaz dikin ku gelê Rojavayê Kurdistanê û Sûriyeyê bi hev re di nava aştiyê de bijîn.”
