Li Baxê Giştî yê navçeya Ranye ya ser bi Îdareya Serbixwe ya Raperînê, ji bo piştgiriya berxwedana Hêzên Ewlekariya Hindirîn-Heleb û xelkê taxên Şêxmeqsûd û Eşrefiyê bi beşdariya gelek welatparêz, nivîskar, rewşenbîr û çalakvanan, çalakiyek girseyî hate lidarxistin. Di çalakiyê de tekezî li ser yekîtiya gelê Kurd hate kirin, her wiha êrîşên çeteyan bi tundî hate şermezarkirin.
Zubêr Ebdulrehman peyama Koma Koşanî xwend. Di peyamê de bal hate kişandina ser giraniya Rojava û Rojhilatê Kurdistanê û hat destnîşankirin ku parastina Rojava, parastina rûmeta netewî ye û divê hemû Kurd li her deverê ku lê bin dengê xwe yê piştgiriyê bilind bikin.
Piştre, Hemze Gulanî ku helbestvanekê navdar yê deverê ye, helbestek li ser êşa gelê Kurd û zilma lê tê kirin xwend.
Di berdewamiya çalakiyê de, nivîskar û çalakvan Hazim Elî Kutik axivî û bal kişand ser rewşa siyasî ya Rojavayê Kurdistanê û konseptên ku li dijî îradeya gelê Kurd têne kirin.
Di dawiya çalakiya girseyî ya li Ranyeyê de, Yasmîn Mistefa weke nûnera Rojavayê Kurdistanê, peyama fermî ya şandeya xwe xwend.
Çalakî bi dirûşmeyên piştgiriya Rojava û jinûve piştrastkirina ruhê xwişk-biratiyê di navbera beşên Kurdistanê de bi dawî bû.
