Dayikên Aştiyê yên ku ber bi Enqereyê ve ketin rê, li Rihayê daxuyaniyeke çapemeniyê pêk anîn. Di dema daxuyaniyê de dirûşmên “Bijî berxwedana Rojava”, “Bijî berxwedana Şêxmeqsûd”, “Rojava Rojhilat e Kurdistan yek welat e”, “Bi can bi xwîn em bi te re ne ey Serok”, “Bijî berxwedana gelê Kurd” û “Jin jiyan azadî” hatin berzkirin.
Di daxuyaniya çapemeniyê de Dayika Aştiyê Adalet Çay axivî û destnîşan kir ku armanca wan a çûyîna Enqereyê sekinandina şer e.
Adalet Çay got: “Ji bo ku şer bisekine em diçin Enqereyê. Me her tim aştî û azadî xwest. Kurd bi girtin û kuştinê naqedin. Her derê Kurdistanê xira kirin. Em wek dayik dixwazin azadî û aştî were. Divê her kes wehşeta ku li Helebê diqewime bibîne.”
Ji Dayikên Aştiyê Meyaser Korkmaz jî diyar kir ku ew naxwazin komkujiyên nû pêk werin û wiha got: “Em li ser van axan ji dayik bûn û mezin bûn. Heke hûn delîlan dixwazin, li Girê Mirazan binêrin. Ji bo sekinandina şer çi ji destê me bê em ê bikin.”
Piştî meşê ku Dayikên Aştiyê yên Rihayê jî tevlî bûn, kom bi dirûşm û tîlîliyan ber bi Enqereyê ve hate oxirkirin. Î.
