Li gelek herêmên kantona Cizîrê, ji bo şermezerakirina êrişên û komkujiyên çeteyên hikumeta demkî yên dewleta Tirk a dagirker li ser taxên Şêxmeqsûd, Eşrefiyê û Benî Zêd ên Helebê, meşên girseyî hatin lidarxistin û daxuyanî hatin dayîn.
ERÎŞA
Xelkê bajêr bi meşek girseyî ji pêşiya avahiya Komeleya Perwerdê ya bajêr ve êriş û komkujiyên li taxên Eşrefiyê, Şêxmeqsûd û Benî Zêd şermezar kirin.
Li pêşiya avahiyê komeleyê meş veguherî mitîngê, li wir Mihemed Meamire, nûnera Kongra Star a Erîşa Sûad El Ebdullah axivîn.
Axêveran anî ziman ku tiştê li taxên Helebê qewimiye projeyek bi piştgiriya hêzên derve bû, rola Tirkiyeyê di destwerdana Sûriyeyê de aşkera ye.
Axêveran banga cezakirina sûcdaran û yekgirtiya Sûriyeyiyan li hember astengiyên li dijî herêmê kir.
TIL BIRAK
Bi sedan gelê bajêr bi beşdariya endamên saziyên sivîl, partiyên siyasî meşek girseyî ji bo şermezarkirina sûc û komkujiyên li taxên Helebê pêk hatine li dar xist.
Meş ji têketina rojava ya bajêr ber bi çerxerêya Hêzên Ewlekariya Hundirîn ve kete rê. Li wir hevserokê Navenda Awarte ya Kehrebê ya Til Birakê Farûq Xelîf li ser navê gel axivî û diyar kir ku li taxên Şêxmeqsûd, Eşrefiyê û Benî Zêd sûcên hovane, koçberiya bi darê zorê, girtin û revandinên bizanabûn, lîstina bi cenazyan, wêrankirina avahiyên tibî û niştecihan hatin kirin.
Xelîf anî ziman ku dîrok berxwedana gelê wan taxan ji bîr nake, divê hêzên neteweyî û mirovî li kêlek sivîlan bisekinin.
HOL
Meclisa Jinan a PYDˊê bi daxuyaniyekê êriş û komkujiyên li dijî welatiyên Şêxmeqsûd û Eşrefiyê şermezar kirin.
Endama Meclisa Bajarokê Um Hucêra Kewser El Salim daxuyanî xwend. Di daxuyaniyê de hat gotin ku çeteyên hikumeta demkî yên dewleta Tirk a dagirker ji çend mehan ve êrişî van taxan dikin, di encamê de welatî şehîd bûn û birîndarî çêbûn.
Hat gotin ku armanc ji van êrişan de aramiyê têk bibin, Sûriyeyê parçe bikin û derbeyê li peymana 10ˊê Adarê bidin.
