Navenda Ragihandina Hêzên Sûriya Demokratîk (QSD) têkildarî hewldanên “Wezareta Parastinê” ya hikumeta demkî yên bi hewldana hedefgirtina şervanên QSDˊê hewldaneke têkçûyî ye.
Di daxuyaniya QSDˊê de ev agahî hatine parvekirin:
“Bangên ˋWezareta Parastinêˊ ya Şamê yên bi hewldana hedefgirtina şervanên QSDˊê, ne tenê bangên bêhêvî û aşkera ne ku rewşa îflasbûna wan a siyasî û leşkerî nîşan didin, lê hewldana têkçûy ya derxistina fitneyê di nava pêkhateyên herêmê de ye.
QSDˊê bi şervanên xwe yên Kurd, Ereb, Suryan û tevahî pêkhateyên dîtir hêzeke neteweyî ya yekgirtî ava dikin û bi xwînî rûbirûyî terorê sekinîn û parastina sivîlan kirin. Ev şervan û malbatên wan ji vî welatî ne, di girêdana xwe de welatparêz in, di hilbijartina xwe de zelal in, û bi salan fedakarî îspat kirine ku yekitiya wan ji hemû hewldanên tehrîdkirinê xurttir in. Mîna van bangên bêhêvî dê bandorê li wan nekin û wê bibin sedema hevgirtina xurtir di nava gelê herêmê de û kombûna li dora hêzên xwe.
Hewldanên parçekirina yekitiyê û derxistina fitneyê rastiyên li ser erdê naguherînin. Wê Hêzên Sûriya Demokratîk, ligel şêniyên Bakur û Rojhilatê Sûriyeyê li hember terorê û hemû kesên ku dixwazin wê bi awayên nû vegerînin yekgirtî bimînin.”
