Nûçegihana ajansa me ANHAˊyê têkildarî civîna şandeya Rêveberiya Kobanê bi berpirsên parêzgeha Helebê re li bajarê Helebê deta parve kirin.
Detayên civîna Rêveberiya Kobanê û bepirsên parêzgeha Helebê li gorî agahiyên nûçegihana me wiha ne: “Em niha li navenda giştî ya hêzên ewlekariya hundirîn a Helebê ne. Şandeya Rêveberiya Kobanê Ferhan Hac Îsa, cîgira hevserokatiyê Mizgîn Xelîl, nûnerên Rêxistinan ên Kobanê û rûsipiyên êlên pêkhateya ereb pêk tê li navenda giştî ya Ewlehiya Hundirîn a parêzgeha Helebê re civiya. Şandeya Rêveberiya Kobanê ji aliyê şandeya parêzgeha Helebê jî ji Fermandarê Ewlehiya Hundirîn ê parêzgeha Helebê Mihemed Ebdulxenî û cîgirê parêzgeha Helebê Elî Henûre û rêveberên ewlehiyê yên girêdayî Hikûmeta Demkî ya Sûriyeyê pêk tê ve, hat pêşawazîkirin.”
Ev civîn piştî lihevkirina di navbera QSDˊê û hikumeta demkî ya Sûriyeyê de hat lidarxistin. Duh şandeyek hikumetê derbasî Kobanê bû, civîn çêkir. Îro jî şandeyek Rêveberiya Xweser a Kobanê derbasî parêzgeha Helebê bû. Li kêlek vê şandeyê gelek rûspiyên Kobanê û kesayetên sivîl cihê xwe di vê şandeyê de girtin.
Di civînê de gelek xal hatin nîqaşkirin. Yek ji wan xalan dorpêça li ser Kobanê bû, nebûna av, kehrebe û internetê, rewşa koçberan û vegera wan li gundên xwe bi hûrgilî hatin nîqaşkirin. Di vî warî de gelek soz hatin dayîn ku xizmetguzariyên weke av, kehrebe û internet werin çêkirin.
Em dikarin bêjin ku civîn erênî pêk hat, ji ber ku her du aliyên civiyane soz da ku Sûriyeyek nû ava bikin, têkiliyan hevbeş xurt bikin. Her wiha hat gotin ku di rejîma Baasˊê deverên Kurdan di aliyên ziman, çand, xizmetguzariyê de paşguh kiribû û wê ev mijar giştî werin çareserkirin.”
