Li Helebê di navbera şandeya Rêveberiya Kobanê û şandeya parêzgeha Helebê de civînek hat lidarxistin.
Piştî civîn bi dawî bû, ji şandeya Rêvebeirya Kobanê Ferhan Hec Îsa peyamek hat dayîn.
Ferhan Hec Îsa di peyama xwe de got: “Civîn û pêşwazî jî baş bûn. Tiştên me dixwestin nîqaş bikin, me nîqaş kirin. Me di civînê de bal kişand ser rewşa tê jiyankirin a di navbera me de divê rabe. Me di nîqaşên xwe de behsa dorpêça li ser Kobanê, nebûna avê û enternetê kir.
A herî girîng jî divê ev hêrs û nerazîbûna di nava civakê de çêbûye were rakin û li ser bisekinin. Ya din jî leşkerên li eniyan û li ser sînor metirsiyê çêdikin, divê leşkerên li wan eniyan di çarçoveya lihevkirina QSD û hikumeta demkî de paşve werin kişandin, gel vegere nava mal û milkên xwe, ji ber ku gel êdî westiyaye.
Berbpirsên hikumeta demkî jî li xwestekên me guhdar kirin. Wê di demên pêş de bendên lihevkirinê li ser erdê werin bicihanîn.”
