Bi amadebûna şêx û rûspiyên Kurd û Ereb, li Hesekê 51 girtî hatin berdan.
Parêzgarê Hesekê Nûredîn Ehmed di dema serbestberdana girtiyan de axivî û got pêvajoya heyî pêvajoya efûkirin û avakirinê ye, ne pêvajoya girtin û dûrxistinê ye.
Nûredîn Ehmed bang li kesên hatine berdan kir ku bi erênî tev li civakê bibin û diyar kir ku her çi qasî di demên berê de şaşî kiribin jî, lê hemû welatî yên vî welatî ne.
Parêzgarê Hesekê anî ziman ku civak emaneta di stûyê her kesî de ye û kesên hatine berdan jî beşeke tevna civakê ne. Nûredîn Ehmed hêvî kir ku kesên hatine berdan xizmeta civakê bikin.
