ENQERE: Înîsiyatîfa ji Girtiyên Nexweş re Azadî di hefteya 598’emîn de careke din li Kolana Sakarya kom bûn. Înîsiyatîfê vê hefteyê bal kişand ser rewşa tenduristiyê ya girtiyê nexweş Hayrettin Adak ê ku li Girtîgeha Girtî ya Tîpa S a Çarşamba ya Samsunê tê girtin. Daxuyaniya çapemeniyê ji hêla endama mafên mirovan Melahat Ozer ve hat xwendin.
STENBOL: Komîsyona Girtîgehê ya Şaxa ÎHD ya Stenbolê çalakiya xwe ya 726’emîn a “Rûniştina F” ku her hefte ji bo balê bikşîne ser rewşa girtiyên nexweş li dar dixin, li ber avahiyên komeleyê yên li Beyogluyê kom bûn. Gelek parêzvanên mafên mirovan beşdarî çalakiyê bûn. Di çalakiya vê hefteyê de bal kişandin ser rewşa girtiyê nexweş Ferzende Elbî yê ku li girtîgeha Tîpa R a Metrisê tê girtin. Di çalakiyê de pankartên “Dermankirin mafek e, nayê astengkirin” û “Girtiyê nexweş Ferzende Elbî berdin” hatin hilgirtin. Di çalakiyê de dirûşmeyên “Girtiyên nexweş berdin”, “Dermankirin mafek e, nayê astengkirin”, “Tecrîd dikuje, hevgirtin rizgar dike”, “Ferzende Elbî berdin” û “Mirov bi mafên xwe mirov in” hatin berzkirin.
Daxuyanî bi berzkirina dirûşmeyan bi dawî bû.
