Komîsyona Girtîgehan a Şaxa Stenbolê ya Komeleya Mafên Mirovan (IHD), di hefteya 765’emîn a çalakiya “Rûniştina F” de, li ber avahiya komaleyê ya li Beyogluyê daxuyanî da. Di çalakiyê de, bi wesîleya 25’ê Mijdarê Roja Têkoşînê ya Navneteweyî ya li dijî Tundiya li Jinê îşaret bi rewşa girtiyên jin hat kirin. Di çalakiyê de pankartên “Bila girtiyên jin ên nexweş bên berdan” û “Dermankirin maf e, nabe were astengkirin” hatin daleqandin û gelek caran dirûşmeyên, “Dermankirin maf e, nabe were astengkirin”, “Bila girtiyên jinn ên nexweş bên berdan” û “Li girtîgehan dawî li cihêkariya zayendî bînin” û “Li girtîgehan dawî li tundiya li ser jinan bînin” hatin berzkirin.
Însîyatîfa Azadî ji Girtiyên Nexweş re, di 637’emîn gefteya çalakiya xwe de li Kolana Sakarya ya Enqereyê daxuyanî da. Însîyatîfê ev hefte bal kişand ser rewşa girtiyê nexweş Ayhan Kavak ku li Girtîgeha Girtî ya Ewlehiya Bilind a Konya Eregliyê tê girtin. Daxuyaniya çapemeniyê ji aliyê endama Şaxa Enqereyê ya Komaleya Mafên Mirovan (ÎHD) Asli Viyan Saraç hate xwendin. Asli Viyan Saraç diyar kir ku ji bo ku jiyana girtî Kavak zêdetir nekeve xeteriyê, divê berdana wî neyê talokirin.

