Polîsekî pilebilind têkildarî êrîşên ku li herêmên cuda ên eyaleta Pahtunhvayê pêk hatine daxuyaniyek da û diyar kir ku di encama êrîşên 48 saetên dawiyê de gelek karmendên ewlehiyê jiyana xwe ji dest dane. Her wiha da zanîn ku du polîs jî hatine revandin û hê jî winda ne.
Tehrik-i Talîban Pakistan (TTP) a ku weke Talîbana Pakistanê tê zanîn piraniya êrîşan girt ser xwe.
Artêşa Pakistanê jî diyar kir ku di çarçoveya çar operasyonên li herêmê hatine lidarxistin de 26 milîtan hatine kuştin.
RAGEŞIYA LI SERXETA SÎNOR BILIND DIBE
Êrîşên berbehs çend rojan piştî şer û pevçûnên li ser sînor ên di navbera hêzên Efxan û Pakistanê de pêk hatin. Her du alî jî ji bo berpirsiyariya bûyeran hevûdu sûcdar dikin.
Rêveberiya Îslamabadê, hikûmeta Talîbanê ya li Efxanistanê bi kontrolkirina komên çekdar ên li dijî planên êrîşan dikin, sûcdar dike. Li gorî Pakistanê ev komên çekdar xakên Efxanistanê weke baregeh bi kar tînin. Rêveberiya Kabulê jî van sûcdarkirinan red dike.
Hêjayî bibîrxistinê ye ku di mehên dawîn de li Hayber Pahtunhvayê û li eyaletên Belûistanê şer û pevçûn bi awayekî diyar zêde dibin. Hêzên dewletê yên Pakistanê gelek caran dibin hedefa bombeyên li rexê rêyan tên bicihkirin, kemîn û serdegirtinan. Lê belê di van êrîşan de bi dehan sivîlan jiyana xwe ji dest dan. Her wiha ev êrîş rageşiya dîplomatîk a di navbera her du welatan de zêdetir dikin.
