Komîteya Çand û Hunerê ya Partiya Jiyana Azad a Kurdistanê (PJAK) bi boneya wefata hunermendê Kurd ê navdar Yedullah Mihemedî peyama sersaxiyê weşand.
Peyama PJAK’ê wiha ye:
“Hunermendê navdar ê Kurd Yedullah Mihemedî 26’ê Sibatê roja pêncşemê piştî nîvro, li Sineyê koça dawî kir. Ew yek ji wan hunermendên ku di parastina çand û hunera Kurdî de destek xurt hebû û navê wî dê di dîrokê de bimîne.
Yedullah Mihemedî di sala 1956’an de li Sineyê ji dayik bû. Bi dehan salan xizmeta çand û muzîka Kurdî kiriye û bi berdewamî hewl daye ku wê pêş bixe û biparêze. Di dema kariyera xwe de, ew karî nêzîkî 76 berhem û stranên resen ên Kurdî çêbike û muzîk û stranên Kurdî gihandiye lûtkeya herî bilind. Bê guman, Mihemedî hunermendekî jêhatî û yek ji awazvanên navdar ên muzîk û folklora Kurdî bû ku berhemên wî di warên çand, huner û muzîkê de bandorek berfireh hebû û bandorek bêhempa di pêşvebirin û parastina nasnameya Kurdî ya gelê me de hebû. Huner û stranên wî di heman demê de li ser parastina zimanê Kurdî û hestên paqij ên rêya wê bûn.
Komîteya Çand û Hunerê ya PJAK’ê sersaxî ji malbata Yedullah Mihemedî, gelê Kurd û hezkiriyên muzîkê re dixwaze. Bila hunera wî di dîrokê de zindî bimîne û xizmeta parastina huner, ziman û çanda Kurdî bike û li ser taca muzîka Kurdî bibiriqe.”
