Têkoşer, pêşeng û siyasetmedarê Kurd, Endamê Desteya Serokatiyê ya Partiya Yekîtiya Demokratîk (PYD) Salih Muslim di êvara 11’ê Adar 2026’an de li bajarê Hewlêrê ji ber nexweşiya gûrçikê şehîd bû.
Şehîd Salih Muslim li Wargeha Penaberan a Şehdî Rustem Cûdî (Mexmûr) bi merasîmekî girseyî hate bibîranîn.
Bîranin li Komîteya Malbatên Şehîdan, bi tevlîbûna sedan şêniyên wargehê û bi deqeyek rêzgirtin ji bo tevahî şehîdên şoreşa Rojava hate destpêkirin.
Piştî rêzgirtinê li ser navê Komîteya Malbatên Şehîdan Mamoste Hisên Kara axivî û di serî de sersaxî ji Rêber Apo, malbat û tevahî gelê Kurd re xwest û got: “Em îro ji bo bîranîna siyasetmedarê Kurd Salih Muslim kom bûne. Heyva Adarê heyva şehîdane. Me bi sedan şehîd di vê heyvê de dane. Bi sedan pêşeng û rêber di vê heyvê de gihiştine şahadetê. Her wiha ev heyv hem bi şahî û hem jî bi xemgîniyên xwe tejîne. 8’ê Adarê, komkojiya Helebçe, 21’ê Adarê û 28’ê Adarê. Ji bo wê ev heyv ji bo me gelekî girînge. Mixabin me di vê heyvê de kesayetek wek Salih Muslim oxir kir. Em gelek bi xemgînin. Em hemû şehîdên şoreşê bi minet û rêzdarî bibîrtînin. Em sersaxî ji Rêber Apo û malbata hêja re dixwazin. Ji bo me windahiyek mezin bû”.
Piştî wê li ser navê Meclîsa Gel Hevserokê Dîwana Meclîsa Gel Elî Urek axivî û wî jî di destpêka axaftinên xwe de tevahî şehîdên şoreşê bibîr anî û wiha hest û nêrînên xwe anîn ser ximan: “Ez jî di destpêkê de xêrhatina we dikim. Ez bi rêz û minetdariyek mezin tevahî şehîdên heyva Adarê bibîr tînim. Şehîd Salih Muslim yek ji wan kesane ku di Şoreşa Rojava de pêşengtî kirî. Xwedî kedek mezin û pîroze. Şehîd Salih xwe bi fikrên Rêbertî re kiribû yek. Di peyama Rêbertî de jî girêdanbûna Rêbertî û Şehîd Salih gelekî eşkereye. Şehîd Salih bû stunek bingehîn ya Şoreşa Rojava. Ji bo pêvajoya Aştî û Civaka Demokratîk gelekî ked da. Ew jî bû yek ji şehîdên nemir. Wê jî wekî Sirri Sureya Onder gelekî hewildanên mezin da û herî dawî ji ber nexweşiyê gihişte şahadetê. Em carek din şehîdên xwe bi rêz û minet bi bîrtînin.”
Herî dawî merasîm bi diruşmeyên ‘Şehîd Namirin’ û ‘Bijî Serok Apo’ bi dawî bû.
Piştî pîranînê ji bo Şehîd Salih Muslim li Komîteya Malbatên Şehîdan konê sesaxiyê hate danîn.
